Date Published: April 4, 2025

Senior Minister Leadership Turnover Ceremony, Isinasagawa Ngayon

Sa kasalukuyan, isinasagawa ang Senior Minister Leadership Turnover Ceremony sa Bajau Hall, Tanggapan ng Punong Ministro, kung saan pormal na ipinapasa ni Hon. Abunawas L. Maslamama ang kanyang tungkulin bilang Senior Minister sa bagong itinalagang Senior Minister, Hon. Mohammad S. Yacob, na kasalukuyang Miyembro ng Parliament at Minister ng Ministry of Agriculture, Fisheries, and Agrarian Reform (MAFAR).

Nagpalabas ng Memorandum Order ang Punong Ministro na nag-aatas sa lahat ng HEADS OF OFFICES/SERVICES, SPECIAL PROGRAMS (TABANG, AMBAG, KAPYANAN, SALAM, SLMG, at MRP) at mga ATTACHED AGENCIES (BBOI, BDI, BIO, BICTO, at OSC) na dumalo sa mahalagang seremonyang ito.

Opisyal na Pagtatalaga kay Senior Minister Yacob

Sa ilalim ng bagong liderato, si MP Mohammad S. Yacob ay opisyal nang hahawak ng mas mataas na tungkulin bilang Senior Minister ng Opisina ng Punong Ministro. Mula noong itinatag ang BARMM Government noong 2019, siya ay nagsilbi bilang MAFAR Minister, kung saan pinangunahan niya ang mga pangunahing programa sa agrikultura, pangisdaan, at repormang agraryo sa rehiyon.

📅 Petsa: Ngayong Huwebes, Abril 4, 2025
🕘 Oras: 9:00 AM
📍 Lugar: Bajau Hall, Tanggapan ng Punong Ministro

Ang turnover ceremony ay isang mahalagang hakbang sa patuloy na pagpapatibay ng administrasyon ng Punong Ministro, na naglalayong mapanatili ang maayos na pamamahala sa ilalim ng bagong Senior Minister.

Patuloy naming babantayan ang mga mahahalagang pahayag at magiging kaganapan sa turnover ceremony na ito.

| Muhammad Mastura, CPA |