Date Published: March 19, 2025

𝗠𝗲𝗻𝗼𝗿 𝗱𝗲 𝗘𝗱𝗮𝗱, 𝗚𝗶𝗻𝗮𝗵𝗮𝘀𝗮 𝗻𝗴 𝗦𝗮𝗿𝗶𝗹𝗶𝗻𝗴 𝗕𝗶𝘆𝗲𝗻𝗮𝗻 𝘀𝗮 𝗣𝗮𝗴𝗮𝗱𝗶𝗮𝗻 𝗖𝗶𝘁𝘆

𝗣𝗮𝗴𝗮𝗱𝗶𝗮𝗻 𝗖𝗶𝘁𝘆, 𝗠𝗮𝗿𝘀𝗼 𝟭𝟲, 𝟮𝟬𝟮𝟱 - Isang nakakasuklam na pangyayari ang naganap sa lungsod na ito matapos gahasain ang isang menor de edad na babae ng sariling biyenan. Ang biktima, si 𝗙𝗮𝗿𝗵𝗮𝗻𝗮 𝗔𝗴𝗼 𝗔𝗱𝗶𝗹𝗮𝗼, 15 taong gulang, ay ginahasa umano ng ama ng kanyang asawa, si 𝗦𝗮𝗶𝗱𝗮𝗹𝗶 𝗝𝗮𝗺𝗲𝗹 𝗔𝗺𝗲𝗿𝗶𝗹, na nasa mahigit 40 taong gulang.

Ayon sa ulat, nagsimula ang insidente matapos magkaroon ng hindi pagkakaunawaan ang biktima at ang kanyang asawa na si Hayan Ameril, 18 taong gulang. Dahil dito, pansamantalang umalis ng bahay si Farhana. Sa kanyang pagkawala, hinanap siya ng kanyang asawa kasama ang ama nito. Natagpuan ni Saidali ang biktima malapit lamang sa kanilang bahay at inalok itong ihatid sa kanyang mga kamag-anak. Sa pag-aakalang makakarating siya sa ligtas na lugar, sumama ang biktima.

Ngunit hindi sa kanyang mga kamag-anak dinala si Farhana. Bagkus, dinala siya sa isang pension house sa boundary ng Banali at Sto. Niño sa Pagadian City. Dito, pinasok sila sa isang silid kung saan sinimulang pagsamantalahan ng suspek ang menor de edad. Sa loob ng maraming oras, paulit-ulit na ginahasa ni Saidali ang bata. Matapos ang karumal-dumal na krimen, nagbayad pa ng panibagong silid ang suspek at iniutos sa dalawang trabahador ng hotel na doon patulugin ang biktima.

Kinabukasan, bandang alas-10 ng umaga, nakabalik si Farhana sa kanilang bahay. Dahil sa matinding takot at pagbabanta sa kanyang buhay, hindi niya agad nasabi ang nangyari. Ayon sa biktima, tinutukan siya ng baril ng suspek habang isinasagawa ang krimen at binantaan siyang papatayin kung magsusumbong. Nang tuluyang malaman ng kanyang pamilya ang buong katotohanan, agad na inireport ito sa mga awtoridad.

Sa kasalukuyan, patuloy ang pagtugis ng pulisya kay Saidali Jamel Ameril at sa kanyang anak na si Hayan Ameril, na kasama niyang tumakas matapos lumabas ang katotohanan. Bukod sa panggagahasa, kilala rin umano ang suspek bilang isang tulak ng ipinagbabawal na gamot sa kanilang lugar.

Ang pamilya ng biktima ay nananawagan ng agarang hustisya para kay Farhana. Hinihikayat din nila ang publiko na ipakalat ang impormasyon upang mapabilis ang paghuli sa salarin. Sa gitna ng banal na buwan ng Ramadhan, hindi matanggap ng pamilya ang sinapit ng kanilang mahal sa buhay sa kamay ng isang taong dapat ay gumagabay at nagpoprotekta sa kanya.

Sa sinumang may impormasyon tungkol sa kinaroroonan ng mga salarin, hinihikayat na makipagtulungan sa mga awtoridad upang mapanagot ang mga ito sa batas.

⚖️ 𝗛𝗨𝗦𝗧𝗜𝗦𝗬𝗔 𝗣𝗔𝗥𝗔 𝗞𝗔𝗬 𝗙𝗔𝗥𝗛𝗔𝗡𝗔 𝗔𝗚𝗢 𝗔𝗗𝗜𝗟𝗔𝗢!

𝗜𝘁𝗼 𝗻𝗮𝗯𝗮 𝗮𝗻𝗴 𝗯𝗮𝗴𝗼𝗻𝗴 𝗣𝗶𝗹𝗶𝗽𝗶𝗻𝗮𝘀?

Photo credited to Rizzan.